Ditën e sotme presidenti Bajram Begaj ka dekretuar ligjin për rritjen e pagave minimale, një pjese të niveleve drejtuese të administratës, si dhe deputetëve dhe ministrave.
Presidenca në një njoftim zyrtar shkruan:
Të nderuar, referuar interesit të medias mbi dekretimin nga ana e Presidentit të Republikës Sh.T.Z Bajram Begaj të paketës së plotë të reformës së pagave, më poshtë gjeni të firmosura ditën e sotme 3 dekretet përkatëse:
Kujtojmë që ligji për rritjen e pagave, përfshirë atë minimale u kalua në Kuvend të enjten e kaluar me 95 vota protestuesit dhe 3 kundër.
Rritja më e madhe që do të hyjë në fuqi pas publikimit në faqen zyrtare, është ajo për deputetët, ministrat, kryeministrin, presidentin, dhe kryetaren e Kuvendit.
Sa shkojnë pagat e deputetëve dhe qeveritarëve kryesorë
Paga e deputetëve dhe qeveritarëve do të dyfishohet. Ajo e deputetëve bëhet nga 156 770 lekë që është aktualisht në 310 250 lekë, ndërsa e Ministrave nga 174 760 lekë në 318 750 lekë bruto. Kryeministrit dhe kryetarit të kuvendit paga u rritet në thuajse 400 000 lekë bruto nga 228 000 lekë që është sot.
Theksojm që kreu i shtetit përfiton një rritje të konsiderueshme të pagës, nga 257 mijë lekë në 425 mijë lekë të reja, pra qëndron në krye të listës si paga më e lartë, që pasohet nga ajo e kryeministrit.
