Presidenca i është përgjigjur menjëherë kryeministrit të vendit Edi Rama. Zëdhënësi i Presidentit të Republikës, Tedi Blushi me anë të një postimi në rrjetet sociale, shkruan se Ilir Meta ka qenë dhe do të jetë gjithmonë krenarë që i përket popullit të Skraparit. Ndër të tjera Blushi ka shkruar se fatkeqësia e kryeministrit Rama është se mund të blejë çdo gjë veç dashurisë së tij për Atdheun dhe lirinë.“Zoti Rama, Ilir Meta ka qenë dhe do të jetë gjithmonë krenar, që ka lindur dhe i përket popullit të Skraparit. Skrapari gjënë më të shenjtë ka patur dhe do të ketë Atdheun dhe lirinë. Fatkeqësia jote është që mund të blesh çdo gjë përveç dashurisë së Ilir Metës për Atdheun. 🇦🇱”, shkruan Blushi.
Kujtojmë se Kryeministri Edi Rama dhe presidenti i vendit Ilir Meta, kanë pasur përplasje virtuale të shpeshta kohët e fundit. Disa ditë më parë Edi Rama e akuzoi presidentin se po kandidonte fshehurazi në Vlorë. Ditën e sotme presidenti i vendit ka pasur një replik sërish nga Vlora, ku tha se në Vlorë kanë sjellë banditët dhe kriminelët. Ndërkohë që Edi Rama, ka folur sot nga Skrapari për krisjen e marrëdhënieve me Ilir Metën në kohën kur ishin në koalicion qeverisës. Rama tha se Meta i kishte vënë kusht që reforma në drejtësi të mos votohej.
