Fushata elektorale, vazhdon në vend. Kryeministri Rama u sulmua për premtimin e ujit të pijshëm 24 orë dhe reagimi i tij, nuk ka vonuar. Nga Vau Dejës, kryeministri Edi Rama tha se kjo do jetë fushata e fundit elektorale kur do të premtohet ujë 24 orë, duke u zotuar që brenda vitit 2022, do të gjejë zgjidhje për të gjitha qendrat urbane.
“Objektivi është i qartë ne jemi në gjendje të themi sot me plot gojën që në gjitha qendrat urbane të Shqipërisë, ne do kemi 24 orë ujë brenda 2022 dhe Tirana brenda 2022-2023 se është më komplekse”, tha fillimisht kreu i qeverisë.
“Kështu që uji është hera e fundit që është term i fushatave elektorale sepse përfundimisht do zgjidhet 24 orë ujë për të gjitha qendrat urbane.
Këtu një herë në zonat që s’ka pasur 24 orë ujë as në kohën e komunizmit do zgjidhet një herë e mirë, është e sigurtë”, u shpreh kryeministri.
Rama thotë se në Vaun e Dejës pas 50 vitesh me 2 orë ujë në ditë ose hiç fare gjatë verës, përfundon ujësjellësi i ri. “Janë bërë 22.6 kilometra rrjet shpërndarës që çon 24 orë ujë në shtëpitë e kësaj zone. Brenda vitit 2022, përfundojnë të gjitha projektet e investimeve për 24 orë ujë në të gjitha qendrat urbane të Shqipërisë”, u shpreh kryeministri Rama.
