Fillimisht SPAK ka dërguar në GJKKO kërkesën për arrestimin e Alqi Bllakos i dyshuar për korrupsion dhe shpërdorim detyre.
Ndërkohë që pas kërkesës së SPAK, GJKKO ka caktuar masën e sigurisë “arrest me burg” për Alqi Bllakon dhe është lëshuar urdhri arrestit.
Bllako një ditë më parë u “zhvesh” nga imuniteti, pasi dha dorëheqjen nga mandate i deputetit, kështu që pritet të bëhet arrestimi i tij.
Kujtojmë që Prokuroria e Posaçme vuri nën akuzë 11 zyrtarë dhe ish zyrtarë të Ministrisë së Mjedisit e bashkisë së Elbasanit, një biznesmen dhe dy administratorë të incerenatorit në Fier.
Hetimi për këtë nisi pas kallëzimit penal të Partisë Demokratike, LSI dhe Nismës Thurje dhe në qendër të hetimit ishte kontrata koncesionare mes ministrisë së mjedisit dhe kompanisë “Integrated Technology Ëaste Treatment Fier”. Hetuesit thonë se kanë gjetur veprime të kundërligjshme dhe korrupsion.
Ndërkohë që në një ditë më parë në një deklaratë për mediat, Rama ashtu sikurse ka bërë edhe herë të tjera, “pastron duart” për veten e tij dhe distancohet nga personat të cilët janë të akuzuar për afera korruptive. Kryeministri Edi Rama ka thënë se për cilindo përgjegjësia është personale dhe për këtë duhet të përgjigjen në gjykatë.
Ai tha për ish-deputetin Alqi Bllako, për të cilin është kërkuar arrestimi, se do të përgjigjet para ligjit dhe deri në momentin që drejtësia të vendosi, ai prezumohet i pafajshëm.
