Kryeministri i vendit, Edi Rama ka publikuar sot një video në rrjetet sociale, ku shfaqen disa prej të moshuarve të cilët kanë marrë dozën e parë edhe të dytë të vaksinës anti-COVID. Krahas videos së publikuar kryeministri i vendit Edi Rama ka shkruar se “Nderi është i gjithi i yni, Rrofshi sa malet!”.
Ndërkohë në videon e publikuar vetë të moshuarit kanë shprehur përshtypjet e tyre lidhur me vaksinën. Ata të cilët ende se kanë marrë dozën e dytë janë shprehur se do ta marrin sa po të njoftohen pasi të parën e kanë bërë tashmë dhe kanë dalë të kënaqur. Gjithashtu disa prej tyre kanë thënë se janë të kënaqur pasi do jenë të mbrojtur dhe do kenë mundësi ti takojnë më shpesh familjarët dhe të afërmit e tyre. “Do e bëjmë vaksinën e dytë, të parën e mbaruam dolëm mirë.
Rrofshin që po na bëjnë këto vaksina që të mbrohemi nga Covid.
Jemi shumë krenar, jemi shumë të kënaqur.
E falënderojmë shumë qeverinë që po interesohet për ne.
Sot e bëra vaksinën e dytë, faleminderit që na dhanë këtë mundësi.
Jam e kënaqur sepse e bëra dhe këtë dozë dhe do jem e mbrojtur dhe do takohem më shpesh me të afërmit dhe të gjithë njerëzit e mi”, shprehen ata.
