Nënkryetari i Lëvizjes Socialiste për Integrim, Petrit Vasili me anë të një postimi në rrjetet sociale ka komentuar postimin e kryeministrit të vendit ditën e sotme, i cili publikoi një foto me pamje nga Velipoja dhe nuk foli për ngjarjen e rëndë që tronditi bregdetin pak pas mesnate. Petrit Vasili thotë se Edi Rama nuk është më kryeministër, por thjesht një megafon propagande. Vasili shkruan se mashtrimi propagandistik është e vetmja gjë që ai bën dhe se realiteti ka zero rëndësi.
“Shqipëria pa kryeministër, por vetëm me megafon të neveritshëm propagande! Edi Rama nuk është më kryeministër, por thjesht një megafon propagande.
Mashtrimi propagandistik është e vetmja gjë që Edi Rama bën.Turpi i po stimit të sotëm të Edi Ramës për Velipojën, kur atje ndodhi një tragjedi e tmerrshme njerëzore, tregon qartë që propaganda kurdiset të punojë ndërsa realiteti ka zero rëndësi! Propagandë, propagandë, propagandë kjo është moto e vetme e Edi Ramës!
Shiheni postimin e Edi Ramës,flet vetë….!”, shkruan Vasili.
Kujtojmë se pak pas mesnatës një ngjarje e rëndë u shënua në Velipoj ku për pasoj mbetën të vrarë katër persona dhe u plagosën dy të tjerë. Shkak për ngjarjen e rëndë u bënë shezlongët e plazhit.
Të vdekur kanë mbetur biznesmeni Kujtim Ferracaku, babai i Arjan Ferracakut të ekzekutuar në Shkodër tre vite më parë. Po ashtu kanë humbur jetën dy pjesëtarë të familjes Gocaj, Xhovano dhe Edmond Gocaj, si dhe punonjësi i shezlongëve Myzerim Zeneli. Ndërkaq të plagosur kanë mbetur dy shtetas të tjerë, Hasan Ferracaku, vëllai i të ndjerit, si dhe Elmedin Dyli.
