Sumet ruse në Ukrainë kanë krijuar një situatë tmerri për vendasit, kështu që mbi 1000 ukrainas ikën dje nga Ukraina, pasi kjo e fundit u sulmua me raketa nga Rusia, ndërsa u akomoduan në qytetin polak Przemysl. Ata shkuan drejt këtij qyteti me tren, pasi aeroportet e vendin kanë pezulluar fluturimet.
Polonia ka hequr dorë nga kërkesa për të karantinuar ose paraqitur një test negativ Covid-19 për njerëzit që vijnë nga Ukraina, shkruan BBC.
Shumë prej tyre qëndruan gjatë natës në stacionin e trenit në shtretërit e kampit pasi hotelet janë rezervuar plotësisht.
Polonia ka ngritur nëntë pika pritjeje për ukrainasit që kalojnë kufirin, ku ata mund të marrin ushqim, ndihmë mjekësore dhe informacion. Ndërkohë, agjencia shtetërore e lajmeve PAP po raporton se mijëra njerëz pritet të mbërrijnë sot në pikën kufitare Medyka me makina nga i gjithë vendi për të mbledhur njerëz dhe të afërm që po vijnë nga Ukraina. Besohet se në Poloni jetojnë nga një deri në dy milionë ukrainas, megjithëse vetëm gjysmë milioni janë të regjistruar në shërbimet sociale polake.
Presidenti Volodymyr Zelensky raporton se janë vrarë nga sulmet ajrore në qytete dhe baza ushtarake 137 civilë dhe personel ushtarak.
Zelenskiy tha se Rusia rifilloi sulmet me raketa në orën 4 të mëngjesit të 25 shkurtit, por trupat e saj ishin ndaluar të përparonin në shumicën e drejtimeve. Shpërthimet u dëgjuan nga Kievi herët më 25 shkurt, ndërsa sirenat ajrore ranë.
