Policia e Shtetit dhe sidomos ajo Rrugore, me urdhrat e fundit për të bërë “raprezalje” në të gjitha rrugët e vendit, për të krijuar një ide të një “shteti që funksionon”, janë kthyer në një institucion precedenti penal për shqiptarët.
Janë me qindra qytetarë që janë për një kundërvajtje të thjeshtë rrugore kanë humbur jo vetëm të drejtën për të ngarë automjetin, por edhe janë bërë me precedent penal për të gjithë jetën.
Kjo strategji duket se po ndiqet në masë dhe po zbatohet me rigorozitet dhe vullnet politik më të madh nga sa nevojitet, duke lënë të dyshosh se është një strategji politike afatgjate kundër qytetarëve.
Referuar të dhënave zyrtare të bëra me bujë nga vetë Policia Rrugore, vetëm në 6 orë kontroll gjatë natës së të shtunës duke hyrë e diela, kjo e fundit për qarkun e Tiranës, ka pezulluar 24 patenta dhe ka arrestuar 5 shoferë.
Këto ndodhën gjatë kontrolleve në rrugët interurbane Tiranë-Elbasan dhe në të dy krahët e autostradës Tiranë- Durrës.
Prej orës 19:00 të mbrëmjes së të shtunës, deri ne 01:00 të mëngjesit të së dielës, patentat iu hoqën 14 drejtuesve të automjeteve sepse qarkullonin me shpejtësi që varionte nga 136 km/h deri 161 km/h.
Por më tepër se kundërvajtjet administrative, shqetësuese janë tundja e prangave dhe bërja me precedent penal e qytetarëve që nuk janë kriminelë, apo të skeduar nga policia, por individë të thjeshtë.
“Gazeta Reforma” e ka ngritur edhe herë të tjera këtë shqetësim dhe i fton qytetarët që të bëhen pjesë e bashkëpunimit me ne, duke denoncuar me fakte, foto dhe video fenomene të tilla.
/GazetaReforma.com/
