“Policia ka dështuar në parandalimin e kësaj ngjarje”, ministri Lleshaj flet për shpërthimin me tritol në Tiranë dhe grupet kriminale

Google+ Pinterest LinkedIn Tumblr +

Ministri i Brendshëm, Sandër Lleshaj ishte i ftuar mbrëmjen e sotme në emisionin “Open” ku foli për shpërthimin e fuqishëm që tronditi pasditen e sotme Tiranën nga shpërthimi i një tritoli, ku për pasojë mbeti i plagosur, Preng Gjini.

Gjatë bisedës në studio ministri Leshaj u pyet nëse ka grupe të strukturuara kriminale në vend dhe ky i fundit pranoi se grupet janë të pranishme, ndërsa shtoi se në lidhje me këtë ngjarje policia dështoi në parandalimin e saj.

Sigurisht që këto grupe kanë mjetet e tyre, eksplozivet janë një nga këto. Grupet kanë ekzistuar , janë rralluar sepse janë ndëshkuar, por nuk përjashtoj ekzistencën e celulave të tilla. Kemi 330 raste armësh të kapura, çështja është që të vendosim gjithë mekanizmat që të minimizojmë veprimtarinë e tyre”, tha Lleshaj.

Më tej ministri i Brendshëm pohoi se, këto janë ngjarje që kanë parahistori.

“Duhet ta pranojmë se policia e shtetit ka dështuar në parandalimin e kësaj ngjarje. Këto janë ngjarje që kanë një parahistori. Është iluzion të pretendojmë se do të parandalojmë të tilla gjëra se do ishim i vetmi vend në botë që do e bënte këtë,” tha më tej Lleshaj.

Shpërndaje
Share.

Komento