Policia jep informacion zyrtar mbi vrasjen e biznesmenit Niko Goro

Google+ Pinterest LinkedIn Tumblr +

Niko Goro humbi jetën menjëherë nga të shtënat, ndërsa motra ka marrë plagë të lehtë dhe ndodhet jashtë rrezikut për jetën, njofton policia.

Njoftimi

Himarë/Informacion paraprak. Më datë 17.10.2020, rreth orës 08.55 minuta në vendin e quajtur rrethrrotullimi që të çon në lagjen Spille Himarë, nga një person ende i pa identifikuar është vrarë me armë zjarri shtetasi Niko.Goro, 51 vjeç. Si pasojë është plagosur lehtë në këmbë edhe shtetasja E. Q., 57 vjeçe, jashtë rrezikut për jetën.

Shërbimet e Policisë kanë shkuar menjëherë në vendngjarje, janë ngritur pika kontrolli në aksin rrugor Himarë – Borsh e Himarë – Vlorë. Në ndihmë të Policisë Vendore janë nisur forcat Operacionale dhe Shqiponjat e DVP Vlorë.  Në vendngjarje ka shkuar grupi hetimor dhe nën drejtimin e Prokurorisë po vijon puna për zbardhjen e rrethanave të ngjarjes, identifikimin dhe kapjen e autorëve.

/GazetaReforma.com/

Shpërndaje
Share.

Komento