Policia ka dhënë informacion zyrtar për aksidentin e ndodhur mëngjesin e sotëm në aksin Burrel-Ulëz. Mësohet se ngjarja ka ndodhur rreth orës 6:30, në vendin e quajtur Bushkash. Drejtuesi i mjetit Z. Ç. ka humbur kontrollin dhe ka dalë nga rruga. Si pasojë kanë mbetur të plagosur pesë pasagjerët dhe vetë drejtuesi i mjetit. Bëhet me dije se ata janë nisur të gjithë drejt Tiranës për ndihmë mjekësore më të specializuar. Nuk dihet ende cili është bërë shkaku për humbjen e kontrollit të mjetit, por paraprakisht dyshohet se ka ndodhur për shkak të reshjeve që kanë shkaktuar lagështirë në rrugë.
Ndërkohë, në vendin e ngjarjes ka mbërritur grupi hetimor dhe është duke vijuar hetimet për të zbardhur në mënyrë të plotë shkaqet që çuan në aksidentin e ndodhur.
Njoftimi i plotë i policisë:
Mat/informacion paraprak. Reth orës 06.30, në aksin rrugor Burrel-Ulëz, në vendin e quajtur Bushkash, shtetasi Z. Ç., duke drejtuar automjetin e tij, ka humbur kontrollin dhe ka dalë nga rruga. Si pasojë e daljes së mjetit nga rruga është lënduar drejtuesi i mjetit dhe 5 pasagjerë të cilët janë transportuar për ndihmë mjekësore më të specializuar drejt Tiranës. Grupi hetimor vijon hetimet në vendngjarje për zbardhjen e shkaqeve të aksidentit.
