Policia italiane ka shkatërruar një bandë shqiptare, e cila dyshohet se ka kryer 50 vjedhje banesash në rajonet e Italisë Veriore, përfshirë Veneto, Emilia Romagna dhe Lombardi.
Banda ka grabitur mallra me vlerë të madhe, duke përfshirë sende që arrijnë vlerën e mbi gjysmë milioni euro.
Hetimet filluan në nëntor, kur agjentët analizuan provat nga disa vjedhje në zonën e Padovës dhe rikonstruktuan lëvizjet e bandës prej tre shqiptarësh të specializuar në grabitje.
Operacioni kulmoi më 16 dhjetor, kur u kap një 29-vjeçar, kreu i bandës, me dhjetëra sende të vjedhura, dy radio dhe disa telefona të përdorur për komunikim gjatë vjedhjeve.
Policia gjithashtu sekuestruar objekte si gjerdanë, byzylykë, unaza, orë dhe pajisje shtëpiake. Në një tjetër apartament, u gjet një grua që fshihte mallra të vjedhura dhe u denoncua për mbajtjen e tyre.
Hetimet vazhdojnë për kapjen e bashkëpunëtorëve të tjerë të bandës.
