Policia e Vlorës ka finalizuar operacionin “Shadow”, duke zbardhur dhe dokumentuar 7 raste vjedhjesh të ndodhura në qytet.
Si rezultat i hetimeve dhe punës së intensifikuar në terren, është arrestuar 29-vjeçari Erjon Baraj, banues në Vlorë.
Ai dyshohet se ka kryer vjedhje me thyerje në disa markete të ndryshme, duke përdorur mjete si levë dhe çekan, dhe duke u maskuar me kapuç, pelerinë dhe dorashka.
Rastet e vjedhjeve përfshijnë:
• 12.12.2024, në lagjjen “Pavarësia”: Vjedhje cigare dhe para nga kasa.
• 16.12.2024, në lagjjen “1 Maji”: Vjedhje parash.
• 18.12.2024, në lagjjen “Lef Sallata”: Vjedhje parash.
• 23.12.2024, në lagjjen “Lef Sallata”: Tentativë vjedhjeje në një market.
• 24.12.2024, në lagjjen “Lef Sallata”: Vjedhje parash.
• 29.12.2024, në lagjjen “Pavarësia”: Vjedhje në dy markete, duke marrë produkte dhe para.
Materialet procedurale janë dorëzuar në Prokurorinë e Vlorës për hetime të mëtejshme për akuzën e “Vjedhjes”.
