Mediat britanike kanë shkruar për shqiptarin Loentjev Zenelaj i cili u shpall fajtor nga një gjykatë britanike. Ai u kap në një fabrikë kanabisi dhe u arrestua në nëntor të viti 2016.
Ai dëshmoi në gjykatë se ishte viktimë e krimit të organizuar, por pa kaluar shumë kohë, kundër shqiptarit doli një video ku shihej duke numëruar një shumë të madhe parash të cilën e kishte fituar nga shitja e lëndëve narkotike.
I riu shqiptar u dënua me 3 vite e 6 muaj burg. Siç shkruajnë mediat britanike, në momentin e arrestimit, Zenelaj kishte deklaruar që mbahej si skllav për llogari të një grupi kriminal shqiptar. Por në fakt i riu ishte emigrant ilegal dhe historia e tij u zbërthye pas hetimeve të policisë së North Yorkshire.
Leontjev Zenelaj u pikas nga era e fortë e kanabisit në një shtëpi në rrugën Boroughbridge. Në këtë mënyrë policia bëri një kontroll në lagje, e në këtë banesë ku gjetën 49 49 rrënjë kanabis dhe pajisje që shërbenin për rritjen e saj.
Mes shumë gjërash që u sekuestruan në vendin e ngjarjes agjentët gjetën edhe një marrëveshje qiraje me shenjat e gishtërinjve të Zenelaj si dhe një celular. Këtu gjetën si provë një video në të cilën shfaqej i riu duke numëruar 5000 Paund për pronarin e tij.
Këto fakte ishin në kontradiktë me pretendimin e tij se ishte skllav i krimit. Por përveç kësaj, Zenelaj u zbulua se kishte udhëtuar përreth vendit me të dashurën e tij. Ndaj u vërtetua se i riu nuk mbahej kundër vullnetit të tij.
Ai doli para gjykatës më 2 Maj 2019, ku edhe u shpall fajtor dhe u dënua.
