Ditën e sotme në Durrës është finalizuar me sukses operacioni policor i koduar “Mix”, për goditjen e veprimtarisë kriminale të tregtimit të mallrave të sjella kontrabandë në shtetin tonë. Si pasojë e këtij operacioni është proceduar penalisht 39-vjeçari me inicialet M. M, pasi dyshohet se tregotone në dyqanin e tij mallëra të sjella kotrabandë. Gjatë kontrollit që shërbimet e Policisë ushtruan në dyqanin e këtij shtetasi, u gjetën dhe u sekuestruan, në cilësinë e provës materiale, 74 aparate celulare, veshje, aksesorë dhe pajisje të tjera, për të cilat ky shtetas nuk dispononte faturën përkatës të deklarimit në autoritetin doganor.
Ai akuzohet për veprën penale “Tregtimi dhe transportimi i mallrave që janë kontrabandë” dhe “Fshehja e të ardhurave”.
Njoftimi i policisë:
Durrës
Finalizohet me sukses operacioni policor i koduar “Mix”, për goditjen e veprimtarisë kriminale të tregtimit të mallrave të sjella kontrabandë në shtetin tonë.
Operacioni, nga Seksioni për Hetimin e Krimit Ekonomik dhe Financiar në DVP Durrës.
Shiste në dyqanin e tij mallra, të cilat dyshohet se janë futur kontrabandë në vendin tonë, procedohet penalisht 39-vjeçari.
Sekuestrohen në cilësinë e provës materiale, mallrat e ndryshëm, të dyshuar të kontrabanduar.
Në vijim të punës për goditjen e veprimtarisë kriminale në fushën e tregtimit të mallrave që futen kontrabandë në vendin tonë, specialistët për Hetimin e Krimit Ekonomik dhe Financiar në DVP Durrës organizuan dhe finalizuan operacionin policor të koduar “Mix”, si rezultat i të cilit u procedua penalisht shtetasi:
-M. M., 39 vjeç, banues në Durrës, për veprat penale “Tregtimi dhe transportimi i mallrave që janë kontrabandë” dhe “Fshehja e të ardhurave”.
Gjatë kontrollit që shërbimet e Policisë ushtruan në dyqanin e këtij shtetasi, u gjetën dhe u sekuestruan, në cilësinë e provës materiale, 74 aparate celulare, veshje, aksesorë dhe pajisje të tjera, për të cilat ky shtetas nuk dispononte faturën përkatës të deklarimit në autoritetin doganor.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
