Polici ishte kthyer pak ditë më parë nga Greqia, detajet për rastet e reja me COVID-19 në Korçë

Google+ Pinterest LinkedIn Tumblr +

Ditën e sotme në Korçë u shënuan dy raste të reja, duke e çuar numrin e përgjithshëm në 11.

Njëri prej pacientëve është një polic, i cili kishte pak ditë që ishte kthyer nga Greqia.

Pas kthimit nga shteti helen ai u vetëkarantinua, ndërsa familjarët e tij për fat të mirë kanë rezultuar negativ.

Personi tjetër për të cilin nuk dihen shumë detaje, është i seksit mashkull.

Korça është qyteti i tretë me numrin më të madh të pacientëve me COVID-19, pas Tiranës dhe Fierit.

Bilanci i COVID-19 në vendin tonë është 146 të prekur, nga të cilët 17 të shëruar dhe 5 viktima.

Në përditësimit e fundit të Ministrisë së Shëndetësisë u mësua se gjatë 24 orëve të fundit janë kryer 111 teste, nga të cilët 23 rezultuan pozitiv.

Në repartin e Infektivit janë shtruar 72 persona, ku 4 janë në gjendje të rëndë, 3 prej të cilëve ndodhen në intubim

Harta e qyteteve të prekur nga koronavirusi u zgjerua me Krujën, e cila regjistroi rastin e parë.

Autoritetet ndërkohë vijojnë me thirrjet për respektimin e rregullave të higjienës, distancimit social dhe kufizimin e daljeve nga shtëpitë.

Shpërndaje
Share.

Komento