Korçë- Një automjet, i drejtuar nga një vajzë, ka dalë nga rruga, duke përfunduar në një arë mbrëmjen e sotme.
Mësohet se makina po transportonte 4 refugjatë sirianë, por u pikas nga policia, e cila u vu në ndjekje të saj.
Mirëpo, shoferja nuk iu bind patrullës së policisë për të ndaluar dhe rriti shpejtësinë, por ka humbur kontrollin e mjetit, duke u përmbysur në një arë.
Si pasojë, 2 prej refugjatëve sirianë kanë pësuar dëmtime të lehta dhe janë dërguar në spital, ndërsa drejtuesja e automjetit Citroen me inicialet F.D. është ndaluar nga policia.
Grupi hetimor po punon për sqarimin e plotë të rrethanave të ngjarjes.
Kujtojmë se një aksident i ngjashëm, i mori jetën 2 sirianëve disa ditë më parë në qytetin e Gramshit, ku një furgon ra nga lartësia dhe, përveç viktimave, u lënduan dhe 7 persona të tjerë.
