Gazetarja e Top Channel, Anila Hoxha, ka zbuluar një detaj të rëndësishëm lidhur me ekzekutimin e ndërtuesit Eduart Reçi, i cili u vra me plumb në kokë.
Sipas hetimeve të policisë, autorët e vrasjes janë dy vëllezërit Shkëlqim dhe Florian Duka, ndërkohë që dyshohet se shkaku mund të ketë qenë një konflikt pronësie mes palëve.
Në emisionin “Top Story”, Hoxha theksoi se viktima, disa javë para vrasjes, kishte njoftuar oficerin e zonës për takimin me dy vëllezërit dhe e kishte paralajmëruar se nëse nuk do të kthehej, diçka mund të kishte ndodhur.
Ky detaj i bën hetuesit të dyshojnë se vrasja ka qenë e planifikuar.
