Po stërviteshin në “Selman Stërmasi”, policia shpërndan lojtarët e Tiranës

Google+ Pinterest LinkedIn Tumblr +

Policia e Shtetit ka pikasur ditën e sotme disa futbollistë të Tiranës, duke u stërvitur në stadiumin “Selman Stërmasi”.

Efektivët kanë ndërhyrë duke ndërprerë stërvitjen dhe larguar nga fusha lojtarët.

Ekipi i Tiranës tashmë pritet të përballet me sanksione, duke qenë se me urdhër të qeverisë, është e ndaluar qëndrimi në grup apo i dy personave së bashku.

Qeveria ndërkohë ka përjashtuar futbollin nga paketa e ndihmës ekonomike.

Pak javë më parë FSHF iu drejtua Këshillit të Ministrave me një letër, ku kërkohej përfshirja në paketën financiare, pasi klubet nuk mund të paguanin lojtarët dhe stafet.

Pas përgjigjes negative nga kryeministr Edi Rama, FSHF hartoi një plan për shpëtimin e klubeve, duke iu paguar rrogat minimale për lojtarët dhe stafët.

Nuk dihet ende përsa kohë FSHF do të vijojë të paguajë rrogat minimale dhe aq më shumë se sa do të zgjasë epidemia.

Jashtë vendit ndërkohë disa klube kanë filluar stërvitjen, në mesin e tyre edhe Bayern Munchen në Gjermani.

Shpërndaje
Share.

Komento