Një ngjarje e rëndë ka ndodhur ditën e sotme në Shijak, ku një 30-vjeçar, i cili po punonte pranë biznesit së të atit, ka humbur jetën.
30-vjeçari, Elion Dervishi ka humbur jetën teksa ishte duke punuar me vinç.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Njoftimi i Policisë së Shtetit:
Shijak
Një 30-vjeçar ka humbur jetën në një aksident në Shijak teksa ishte duke punuar me vinç. Rreth orës 08:30, në lagjen Kodër Shijak, në ambientet e firmës me administrator shtetasin A. D., është aksidentuar duke punuar me vinç, shtetasi E. D., 30 vjeç (djali i shtetasit A. D.), banues në Shijak, i cili për pasojë ka humbur jetën. Grupi hetimor ndodhet në vendngjarje dhe po punon për sqarimin e rrethanave të ngjarjes.
Theksojmë se aksidentet në vendin e punës kanë qenë ndër vite në fokus të Inspektoratit të Punës, kryesisht sektorët e ndërtimit dhe ai minerar, që raportohet si më problematik. Për periudhën janar – gusht 2021, janë 138 subjekte të cilat kanë pasur histori aksidenti në punë me gjithsej 121 punëmarrës të aksidentuar, nga të cilët me pasojë humbjen e jetës rezultojnë 23 punëmarrës.
66% të rasteve u përkasin aksidenteve në vendin e punës në sektorët si ndërmarrje prodhuese, ndërtim dhe të tjera.
