Një pengesë e madhe i është krijuar vendit tonë dhe këtë herë nga Holanda. Prej kohësh tashmë ky shtet është duke kërkuar nga qeveria shqiptare të marrë masa për trafikun e drogës dhe duke parë se asgjë nuk ka ndryshuar, parlamenti ka marrë një vendim të rëndësishëm.
Tashmë me shumicë parlamentare, deputetët e Parlamentit të Hollandës kanë vendosur për rikthimin e vizave për Shqipërinë.
Vendimi është marrë pas kërkesës që tre partitë kryesore bënë, në mënyrë që të përpiqen të frenojnë sadopak bandat shqiptare të drogës dhe emigracionin e paligjshëm.
“Shqipëria nuk është e mirëpritur në Holandë. Për më tepër, ky vendim duhet të inkurajojë vendin ballkanik të bëhet më aktiv”, shkruajn mediat holandeze.
Edhe pse sipas ministrit Bloch kjo është një kërkesë e nevojshme edhe pse është i bindur se vendet e tjera të BE-së nuk do të pajtohen me vendimin.
Ky vendim padyshim është një shuplakë e madhe për vendin, për arsye sepse Holanda ka qenë gjithmonë skeptike për zgjerimin e BE dhe me këtë vendim përforcohet edhe më shumë mendimi i këtij shteti për shtyrjen e hapjes së negociatave për vendin tonë.
