Vazhdon sërish rezistenca e banorëve të “5 Majit” për të mbrojtur shtëpitë e tyre, nga shembja e cila planifikohet të realizohet në kuadër të projektit të “Unazës së Madhe”.
Ata kanë deklaruar se nuk largohen nga banesat etyre dhe se nuk lejojnë asnjë që t’I shembë. Gjithashtu banorët shprehen për “Syri Tv” se janë fëmijët ata të cilët po e përjetojnë më keq psikologjikisht kur shikojnë gërmadhat e shtëpisë së tyre.
“Ata jo vetëm i kanë shembur por kanë bërë masakër, skanë kursyer asgjë as mobilje as fotografitë të gjitha në tokë janë. Kthehem tek shtëpia aty kam kujtimet. Ndaj ne kërkojmë marrëveshje pasi nuk iki nga gërmadhat e shtëpisë time, do të luftoj cdo ditë. Në atë vend aty ska të drejtë askush të ndërtojë pa lejen time. Deri tani një fëmijë 4 vjec dhe 1 e gjysmë nuk kuptojnë gjë ata. Në gjendje psikologjike ndihen keq kur shikon që i shembet shtëpia. Më thotë vajza e vogël pse nuk vemi tek shtëpia që ishim, ne i justifikojmë, mundohemi që mos i mërzitim. Për ne nuk intersohet askush, kurse të huajt i mbajnë me të mira. Është një traumë e madhe psikologjike, duhet të konsultohemi me psikolog”, tha banori.
Qeveria iu premtoi banorëvë që to t’I suportonte për strehimin, por duket se “fjalët i paska marrë era” pasi një banor tjetër të cilit i është shembur shtëpia, shprehet se po e paguan vetë qeranë.
“Kam jetuar tek një njeriu im, tani me lekët e mia kam marrë shtëpi me qira. 250 e kam qiranë, 350 më shkon bashkë me ujë dhe drita. Të paktën në Ukrainë shembet një pallat kurse këtu e rrafshoi të gjithë. Laureta i la të gjitha brenda, orenditë të gjithë janë prishur mobiliet. Nënë e dy kalamajve është e turpshme si e arrestuan”, u shpreh banori.
Një tjetër banor ka deklaruar se ata nuk kanë firmosur asnjë marrëveshje as me qeverinë dhe as me ndertuesin për të marrë një banesë të re.
“Deri tani ne nuk kemi firmosur asgjë. Të paktën unë, personalisht, se mbase “ne” është pak e zgjeruar. Me sa di unë, asnjë nga këta, po unë po flas për veten time se unë nuk kam firmosur asgjë deri tani. Jemi konsultuar dhe nuk kemi marrë përgjigje. Mirëpo nuk është interesuar askush për ne dhe kjo është më e çuditshmja,” tha një tjetër banor.
