Në mes të protestës së sotme të opozitës, ishte dhe kreu demokratik Sali Berisha, i cili mbajti fjalimin e tij para Gjykatës së Lartë.
Gjatë fjalës së tij Berisha u ndal te kërkesa e SPAK për masën ‘arrest shtëpie me mbikëqyrje policore’, duke u shprehur se ky vendim nuk do ta pengojë atë që të kritikojë dhe të sulmojë qeverinë Rama.
Berisha në fjalimin e tij u shpreh edhe për burgosjen e tij. Ai tha se kjo nuk ëhstë vetëm betejë e opozitës për të, por për demokracinë e shqiptarëve.
“Duke më hequr të drejtën e komunikimit mendojnë se do shpëtojnë nga kritikat dhe sulmet e merituara… Miqtë e mi, sot duhet të kërkojmë vëmendjen e çdo shqiptari, sepse kur gjykata përdoret si armë kundër opozitës, kjo është diktaturë. Kur i konfiskohet hapur logo dhe vula, dhe kërkohet t’i jepet një personi që është krahu i Ramës, kjo është diktaturë. Kjo nuk është betejë e Berishës, ndonëse unë po burgosem në mënyrë të padrejtë, kjo është betejë për lirinë e shqiptarëve”, tha Berisha.
https://www.facebook.com/SaliBerisha/videos/1074594980623516/
