Mëngjesin e sotëm një aksident me pasojë ka ndodhur në afërsi të Janinës. Një çift shqiptar ka humbur jetën si pasojë eaksidentit në Ionia Odos, pranë rrugës me pagesë në afërsi të Janinës. Sipas mediave greke mësohet se familja ishte duke u kthyer për në Greqi pasi kishin qenë me pushime. Së baqshku me çiftin kanë qenë edhe fëmijët e tyre të moshës 26 dhe 10 vjeç, por që fatmirësisht i kanë shpëtuar aksidetit me plagë të lehta.
Aksidenti rrugor ndodhi kur çifti i shqiptarëve e ndali makinën e tyre në një xhep të autostradës për të ekzaminuar një problem që ishte shfaqur gjatë udhëtimit.
Shoferi dhe kryefamiljari ishte 58 vjeç dhe gruaja e tij 50 vjeçe. Ata kishin dalë për të parë se çfarë po ndodhte për shkak të defektit mekanik, duke lënë të hapur derën e shoferit dhe derën direkt pas sediljes së shoferit.
Një mjet tjetër që kalonte me shpejtësi nuk i ka parë dhe e ka përplasur makinën e ndalur, duke u shkaktuar lëndime të rënda të dyve.
Përpjekjet e mjekëve në vendngjarje kanë qenë të mëdha , por sipas informacioneve të ERT të Janinës, burri ka ndërruar jetë në vend, ndërsa gruaja e tij gjatë transportit për në spital.
Sipas epiruspost.gr, dy fëmijët që ndodheshin në mjet janë dërguar në spital, pasi janë tronditur rëndë sepse gjithë skena e aksidentit ka ndodhur para syve të tyre.
Në njoftimin e Policisë greke thuhet: “Sot (08-01-2022) dhe rreth orës 06:45 në kilometrin 171 të rrugës Jonike, I.X.E. një makinë e drejtuar nga një shtetas që lëvizte në drejtim të Janinës, ka përplasur dyert e hapura majtas të I.X.E. makinë, e cila ishte e parkuar në korsinë e emergjencës (KLM), duke tërhequr zvarrë drejtuesin e mjetit të huaj 58-vjeçar dhe një pasagjere të huaj 50-vjeçare, me pasojë plagosjen fatale të të dyve”.
