Prokurori i Krimeve të Rënda, Njazi Seferi ka dhënë dorëheqjen.
Sipas “Report tv”, ky prokuror po hetonte vdekjen e Kostandinos Kacifas.
Seferi ka dhënë dorëheqjen për arsye shëndetësore.
Ai ishte përballur më parë me Komisionin e Pavarur të Kualifikimit.
Kërkesa tashmë ka shkuar në duart e Këshillit të Lartë Prokurorisë, e cila do të dalë me një vendim.
Kujtojmë këtu se Kostandinos Kacifas u vra një vit më parë në Bularat të Gjirokastrës nga forcat RENEA.
Këto të fundit hapën zjarr ndaj Kacifasit, në shenjë kundërpërgjigjeje.
Ndërkohë pak para eliminimit nga RENA, Kacifas kishte qëlluar me armë në ajër gjatë ditës së përkujtimit të ushtarëve helenë të rënë gjatë luftës Italo greke, duke terrorizuar qytetarët.
Gjithashtu ai kishte qëlluar edhe ndaj një furgoni policie, që shkoi në vendngjarje pas të shtënave.
Kjo ngjarje ftohu marrëdhëniet mes dy vendeve, si dhe u pasua me incidente të tjera gjatë ceremonisë së 40 ditëve të Kacifasit.
Duke marrë shkas nga incidentet, ministria e Jashtme shpalli non grata 50 shtetas grek, midis të cilëve edhe ish-eurodeputetja qipriote, Eleni Theocarus.
