Detaje të reja dalin në ditë në lidhje me ngjarjen tragjike të ndodhur pak orë më parë në Dibër ku humbi jetën një 15-vjeçar, pasi u mbyt në lumin Drin. Mësohet se 15-vjeçari kishte shkuar në ekskursion me shokët e tij kur e rrëmbyen ujërat e Drinit dhe për pasojë humbi dhe jetën tragjikisht. Ai ka qenë në përfundim të klasës së nëntë, dhe po zhvillonte ekskursion me rastin e minimaturës, por festa e mbylljes së minimaturës së Kalasë së Dodës nuk përfunodi siç duhej për të riun. Pas përfundimit të klasës së 9-të, minimatura e Kalasë së Dodës kishte organizuar një eksursion festiv pranë lumit Drin i Zi në Maqellarë.
Festa ka përfunduar në tragjedi kur 15 vjeçari Ali Lika është rrëmbyer nga ujërat e lumit, për tu gjetur rreth më pas rreth 5 kilometra më poshtë nga pushues të rastit që ndodheshin në fshatin Gradec.
Burime bëjnë me dije se minimatura po festonte përfundimin e arsimit 9 vjeçar, teksa kanë shfrytëzuar të qenit pranë lumit për tu freskuar në orët e drekës gjatë këtyre temperaturave shumë të larëta.
Ndërkohë burime pranë policisë së qarkut Dibër janë shprehur se nxënësit kanë qenë të shoqëruar edhe nga mësues, por fatkeqësisht ata nuk kanë arritur ta parandalojnë ngjarjen e trishtë.
