Gjeli i detit është ushqimi i çdo tryeze shqiptare në natën e ndërrimit të viteve.
Zona e Ballagatit në Lushnjë është e njohur për rritjen e gjelave të detit.
Banorët e kësaj zone nuk po përgatiten për shitjen, por për ruajtjen e tyre.
Kjo për shkak se ka shpërthyer vjedhja masive e shpendëve.
Vetëm ditët e fundit janë vjedhur 50 krerë gjela deti.
Kësisoj banorët të frikësuar nga hajdutët, kanë nisur të bëjnë roje natën.
Policia e Lushnjes ka shoqëruar disa persona, por nuk ka ende një autor të dyshuar për vjedhjet.
