Përplasje fizike ka pasur në KZAZ numër 21 mes mbështetësve të Partisë Socialiste dhe Partisë Demokratike në Durrës. Ngjarja ka ndodhur në momentin që kandidati democrat, Ferdinand Xhaferraj ka hyrë në Palllatin e Sportit për të ndjekur procesin.
Ish-kryebashkiaku i Durrësit Vangjush Dako e ka thirrur dhe i ka thënë “Urime”.
Menjëherë Xhaferraj shkon drejt tij dhe i thotë: “Je bo politikan Vangjush Dako?”
Në atë moment një mbështetës i PS i del përpara dhe debaton me të. Në videon e publikuar dëgjohet Xhaferaj duke thënë se të gjithë janë zagarë të Dakos. Ndërkohë, mbështetësi i PS i përgjigjet se ai nuk është më i mirë se ta.
“Ti çfarë je, je më i jmirë se ne. Çfarë zagarësh qenkemi ne?”
Menjëherë pas debatit ka nisur edhe përplasja fizike kur një mbështetës i PD godet një mbështetës të socialistëve. Kanë qenë njerëz të tjerë që ndërhynë më pas për t’i ndarë.
Mbështetësi i PS dëgjohet duke kërcënuar atë të PD, duke i thënë ” Mbaje mend!”
Ky incident vjen vetëm në një moment kur procesi i numërimit është duke shkuar drejt fundit. Është Partia Socialiste ajo që ka siguruar 8 mandate, kundrejt 6 që ka marrë PD.
Po ashtu PS kryeson edhe në rang kombëtar me 74 mandate të siguruar, kundrejt 59 që ka marrë PD.
