Plani i Vetëvendosjes për marshim më 28 nentor, reagon Rama: Lajthitje në proces tranzicioni

Google+ Pinterest LinkedIn Tumblr +

Disa ditë më parë, dega e Lëvizjes Vetëvendosje në Tiranë, njoftoi se më 28 nentor do të zhvillojë një marshim.

Kjo nismë, por edhe hapja e degës në Tiranë e VV, është komentuar nga kryeministri Edi Rama.

Ky i fundit e cilësoi këtë lëvizje të Albin Kurtit, një lajthitje në proces tranzicioni.

Në një intervistë për “Top Channel”, Rama ka lëshuar një mesazh për Kurtin, duke thënë se i duhet njëfarë kohe për të bërë kryeministrin.

“Mendoni për një moment sikur një degë e PS, natyrisht me miratim nga Kryesia dhe nga unë, të bëjë protestë në ditën e pavarësisë së Kosovës dhe të thotë nuk është koha për të festuar, por për të reflektuar, dhe të bëjë një fletërrufe, që duket sikur është nxjerrë nga printerat e opozitës me qeverinë e Kosovës, çfarë do të mendonin njerëzit? Unë e konsideroj një lajthitje në një proces tranzicioni nga opozita në qeverisje, në një vakum, ku kam qenë edhe vetë dhe duhet njëfarë kohe për të bërë kryeministrin. Sepse kryeministër zgjidhesh ditën kur fillon, por bëhesh me kalimin e kohës”, tha Rama.

Lëvizja Vetëvendosje doli fituese në zgjedhjet e fundit në Kosovë dhe do të formojë qeverinë e re në bashkëpunim me LDK.

Shpërndaje
Share.

Komento