Një plagosje me armë zjarri ka ndodhur në Kavajë në lagjen Nr.5 rreth orës 00:30 pas mesnatës. Ngjarja mësohet se ka ndodhur pas një konflikti për motive të dobëta pas të cilit shtetasi Emiljano Sina, 34 vjeç ka qëlluar me armë zjarri Shkëlzen Shehun po ashtu 34 vjeç. Ky i fundit është plagosur në këmbë dhe nodhet në spital jashtë rrezikut për jetën.
Ndërkohë, mësohet se autori i ngjarjes, Emiljano Sina është me precedent penal për sa i përket armëmbajtjes pa leje. Sherri mes të dyve ka degraduar deri në përdorimin e armës dhe plagosjen në këmbë të Shehut. Policia është duke kryer kontrolle në zonë për kapjen e autorite të ngjarjes, Emiljano Sina. Ndërkohë, grupi hetimor po bashkëpunon me Prokurorinë për të sqaruar rrethanat e ngjarjes.
Njoftimi i plotë i policisë:
Kavajë/Informacion paraprak
Rreth orës 00:30, në lagjen nr.5, Kavajë, pas një konflikti për motive të dobëta shtetasi E. S., 34 vjeç, dyshohet se ka qëlluar me armë zjarri në këmbë shtetasin Sh. Sh., 34 vjeç, i cili ndodhet në spital, jashtë rrezikut për jetën.
Vijon kontrolli i zonës nga shërbimet e Komisariatit të Policisë Kavajë, për kapjen e shtetasit E. S.
Grupi hetimor, në bashkëpunim me Prokurorinë, po punon për sqarimin e rrethanave të ngjarjes.
