Një plagosje me armë zjarri ka ndodhur fshatin Poshnje në Urën Vajgurore ditën e sotme. Ngjarja ka ndodhru rreth orës 18:00, ndërsa mësohet se i plagosur ka mbetur 33-vjeçari Iljaz Ismaili. Policia njofton se Ismaili është dërguar në Spitalin Rajonal të Beratit dhe është aktualisht jashtë rrezikut për jetën.
Gjithashtu disa persona janë shoqëruar në Komisariat pasi dyshohet se kanë dijeni për ngjarjen. Grupi hetimor është në vendngjarje dhe po punon për zbardhjen e shkakut që çoi në plagosjen e 33-vjeçarit dhe po mbledh prova që do të çojnë në identifikimin dhe kapjen e autorëve.
Njoftimi i policisë:
Më datë 21.05.2021, rreth orës 18:00, në fashatin Poshnje, në rrethana ende të paqarta është plagosur me armë zjarri pistoletë, shtetasi I.I., 33 vjeç, i cili u dërgua në Spitalin Rajonal Berat, jashtë rrezikut për jetën.
Sherbimet e Policisë kanë shkuar menjeherë në vendngjarje, kanë bërë rrethimin e zonës dhe po kryejnë kontrolle për kapjen e autorit/ve.
Gjithashtu janë shoqëruar në Komisariat disa shtetas të cilët dyshohen se kanë dijeni për ngjarjen.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave të ngjarje, si dhe mbledhjen e çdo prove të mundshme që do çojë në identifikimin dhe kapjen e autorit/ve.
