Policia ka zbardhur detaje nga ngjarja e një dite më parë në Vorë, ku një person mbeti i plagosur me armë zjarri në ambientet e një servisi.
Gjatë këtij konflikti, shtetasi B. B. dyshohet se ka qëlluar me armë zjarri, duke plagosur rëndë shtetasin Xhuljano Shkurti. Ndërsa, F. M. dhe A. M. janë dëmtuar gjatë përleshjes fizike.
Bëhet e ditur se është arrestuar shtetasi O. P., 39 vjeç, për veprën penale “Moskallëzimi i krimit”.
Të tre shtetasit e plagosur janë jashtë rrezikut për jetën dhe po marrin ndihmën e nevojshme mjekësore. Policia ka intensifikuar hetimet për zbardhjen e plotë të ngjarjes dhe për shoqërimin e shtetasve të tjerë të përfshirë në këtë incident.
