Disa ditë më parë, një punonjës i Inspektoriatit të Territorit u plagos për shkak të detyrës. Inspektori i IMT kishte shkuar për t’i shembur shtëpinë, por ka hasur në kundërshtinë e pronarit, i cili e plagosi me armë zjarri më pas.
Ndërkohë që gruaja e autorit 55-vjeçar tregon se si e kishte mësuar ngjarjen, pasi nuk ishte në banesë kur ndodhi krimi. Gjithashtu ndër të tjera ajo pohon se nuk ishte ne dijeni të faktit se burri i saj zotëronte armë.
“Rreth orës 17:00 kam qenë te halla e burrit që është pranë banesës tonë. Në banesë erdhi halla tjetër e burrit dhe tha se burri im Qani kishte qëlluar me armë një punonjës të policisë. Kam dalë me vajzën e vogël nga banesa dhe i jam drejtuar shtëpisë që ishte prishur. U afrova por ishte e rrethuar me policë dhe pastaj patrulla e policisë më ka shoqëruar në komisariat. Nuk e dija që burri kishte armë. Nuk e kam parë kurrë me armë dhe nuk e di se ku e ka gjetur Qaniu”, ka deklaruar bashkëshortja e e Qani Muçës.
Vlen të kujtojmë se ky i fundit tashmë ndodhet pas hekurave ndërsa ndaj tij rëndojnë dy akuza, “vrasje ndaj funksionareve publike”, mbetur ne tentative dhe “armëmbajtje pa leje”.
