Janë zbardhur sot detaje të reja lidhur me ngjarjen që ndodhi mbrëmjen e djeshme në Tiranë. Sipas të dhënave të publikuara nga policia, situata është ende e paqartë pasi ende nuk mund të përcaktohet vendi i saktë ku ka ndodhur ngjarja. Kjo për shkak se djali dhe babai i tij kanë dhënë dëshmi që bien ndesh me njëra tjetrën, ndërsa bëhet e ditur se i mituri ka shkuar në shtëpi me plagë dhe më pas është dërguar në spital nga babai.
Dyshimet e policisë janë për një konflikt të mundshëm brenda familjes, i cili ka agravuar në përdorim armësh. Babai i të miturit dhe xhaxhai janë shoqëruar në Polici, pasi dëshmia e të miturit është krejt kontradiktore në raport me çfarë ka gjetur grupi hetimor në vendin e ngjarjes.
Nga këqyrja e vendit të ngjarjes u konstatuan 5 vrima plumbash në derë, të cilët janë qëlluar nga brenda oborrit.
I mituri është shprehur në polici se ai është qëlluar 4 herë në drejtim të derës kryesore të oborrit të shtëpisë nga një makinë e zezë, e cila sipas tij është larguar menjëherë. Edhe babi ka qëndruar në të njëjtën linjë me djalin e tij, ku ka deklaruar para hetuesve se i mituri kishte dalë nga banesa, pak para se të dëgjonin të shtënat.
Dyshimet e hetuesve deri tani janë për konflikt mes 2 vëllezërve, debat që mund të ketë degraduar në oborr, deri në përdorim arme. 15-vjeçari nuk ka rrezik për jetën, ndërsa ka marr 3 plumba, 1 në shpatull dhe 2 në krah.
