Mbrëmjen e djeshme 2 vëllezër në Sarandë janë plagosur me thikë nga 43-vjeçari Ibrahim Duda .
Ndërkohë detaje të reja janë zbardhur mbi ngjarjen.
Dyshohet se plagosja me thikë do të ketë ndodhur pas një sherri banal për qenin. Autori i dyshuar i plagosjes, një person me precedentë të mëparshëm penalë dhe përdorues i lëndëve narkotike është shpallur në kërkim nga policia.
Kjo e fundit nëpërmjet një komunikate të dytë për ngjarjen e plagosjes në Sarandë sqaron se në këtë konflikt është goditur me mjet shpues, në brinjë dhe shtetasi K. G., 18 vjeç, banues në lagjen nr.4 Sarandë, i cili po transportohet për mjekim më të specializuar në Spitalin e Tiranës.
Në vijim të veprimeve shërbimet e Policisë kanë bërë të mundur identifikimin e autorit, shtetasit Ibrahim Duda., i cili është shpallur në kërkim. Duda nuk është një emër i panjohur për policinë. Madje bëhet e ditur se ai ka pak kohë që ka dalë nga burgu, ku ndodhej aty për shkak të një vjedhje të kryer. Gjithashtu ai njihej si përdorues i drogave të forta. Mësohet në të kaluarën ai ka qenë i dënuar për tentativë vrasje dhe për vjedhje e kundërshtim të forcave të policisë.
Shërbimet e Policisë po krehin zonën për të bëre të mundur kapjen e autorit. Grupi hetimor ndodhet në vendngjarje dhe po punon per sqarimin e rrethanave të ngjarjes.
