Dy persona janë vënë në pranga nga Policia e Korçës për vepra të ndryshme penale.
Lajmi është bërë i ditur nga blutë në një njoftim për mediat.
66-vjeçari, K.H., banues në fshatin Vashtmi, Maliq, u arrestua pasi ka plagosur shtetasin G.Ç., 25 vjeç, banues në Maliq, si edhe shtetasin S. Xh., 30 vjeç, banues në Korçë.
Ngjarja ka ndodhur mbrëmjen e djeshme në lagjen nr.9 dhe shkak është bërë një konflikt për motive të dobëta.
Të plagosurit aktualisht ndodhen në Spitalin e Korçës, nën kujdesin e mjekëve.
Ndërkohë, shtetasi me iniciale A.T., 21-vjeç, u arrestua pasi ka vjedhur në banesat e shtetasve A. P., dhe R. M., pajisje elektroshtëpiake dhe disa orendi të ndryshme.
Për të dyja rastet materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.
66-vjeçari akuzohet për “Plagosje të rëndë me dashje”, kurse 21-vjeçari akuzohet për “Vjedhje”.
