19-vjeçari Ilirjan Hasanaj që qëlloi ndaj shefit të Policisë Bashkiake në Malësinë e Madhe, u vetëdorëzua ditën e djeshme në polici, ndërsa është zbardhur edhe dëshmia e tij para hetuesve.
I riu pranoi se ka qëlluar drejtorin e bashkiakëve, Mentor Hasanajn, kur ishte në efektin e alkoolit dhe se nuk ishte i vetëdijshëm për këtë veprim.
Më tej ai shpjegon se e kishte parë në rrugë duke kaluar dhe iu ishte vënë pas duke e qëlluar më pas. Mirëpo 19-vjeçari shpjegon se arsyeja e plagosjes lidhet dhe me faktin se mes tyre ka pasur një konflikt pronësie të cilin e ka dëgjuar nga i ati.
“Unë e kam qëlluar shtetasin Mentor Hasanaj, por e kam bërë pa paramendim. Nuk kam qenë i parapërgatitur për një gjë të tille. Thjeshtë e kam parë duke kaluar në rrugë dhe i jam vënë mbrapa. Armën e kam patur me vete sepse ka pasur disa kohe që e kisha dhe nuk është se e kam marrë atë ditë, më ka qëlluar me vete. I jam vënë mbrapa dhe e kam qëlluar, por në ato momente kam qenë disi nën ndikimin e alkoolit. Thjesht e kam parë rastësisht teksa kalonte me makine dhe e kam ndjekur në atë moment. Arsyeja e plagosjes lidhet me një problem pronësie tonën. Është një konflikt i vjetër pronësie mes nesh dhe unë këtë histori e kam dëgjuar nga babai dhe kur e kam pare në atë moment duke qene edhe i alkoolizuar e kam ndjekur dhe e kam qelluar por nuk kam pasur nje plan te pergatitur. Duke qene drejtor me erdhi ne mendje se mund te na pengonte tek pronesia por çdo gje ka qene ne ate moment. Ndersa kusheriri im nuk ka patur asnje ide se çfare kam bere une por thjeshte e kam thirrur duke i thene qe te me merrte sepse kisha nevoje por pa i treguar arsyen. Ai nuk ka qene aspak ne dijeni te plagosjes. Une jam penduar maksimalisht per çfare kam bere dhe per kete fakt edhe jam vetedorezuar ne polici. Fillimisht kam qene i tronditur dhe kisha frike por tani e kam kuptuar dhe jam shume shume i penduar ndaj kam ardhur qe ta pranoj çfare kam bere”, ka thënë 19-vjeçari.
Ai përjashton përfshirjen e kushëririt në këtë histori. Ndërsa thotë se është penduar për ngjarjen.
/GazetaReforma.com/
