Një sherr mes dy personave ka degjeneruar në dhunë fizike dhe përdorim armësh të ftohta në rrugën “Mitat Hoxha” pranë zonës së njohur si “Ekualipsi” në Sarandë, ku si pasojë është plagosur një 21-vjeçar.
I plagosuri, Devis Saliaj nga Tirana, është goditur me thikë në parakrah dhe dërguar urgjent në spitalin e Sarandës, ku mjekët bëjnë me dije se gjendja e tij është jashtë rrezikut për jetën.
Përplasja mes personave ka shkaktuar edhe një aksident me makina, pasi një prej automjeteve ka humbur kontrollin dhe është përplasur me një tjetër, duke krijuar panik tek banorët dhe kalimtarët në zonë.
Burimet nga spitali tregojnë se Saliaj ishte në gjendje të dehur dhe nuk ka dhënë shumë detaje për ngjarjen.
Forcat e policisë ndodhen në vendin e ngjarjes dhe po vijojnë hetimet për identifikimin e autorit dhe zbardhjen e plotë të shkaqeve që çuan në këtë incident.
