Sherret, plagosjet dhe vdekjet në vendin tonë nuk kanë të ndalur. Pasi ditën e sotme një plagosje me thikë në rrethana ende të paqarta ka ndodhur në qytetin e Durrësit.
Mësohet se rreth orës 17:10 ka mbërritur në urgjencën e spitalit të Durrësit një 60-vjeçar i dëmtuar me thikë. 60-vjeçari me iniciale L.B., ndodhet nën kujdesin e mjekëve megjithatë nuk dihet gjendja e tij shëndetësore dhe si ka ndodhur plagosja e tij.
Policia dhe grupi hetimor kanë shkuar në vendin e ngjarjes dhe po punojnë për zbardhjen e plotë të rrethanave të ngjarjes.
NJOFTIMI PARAPRAK:
Më datë 23.09.2020, rreth orës 17:10, jemi njoftuar nga Urgjenca e Spitalit Rajonal Durrës, se ka shkuar i dëmtuar me mjet prerës (thikë), në rrethana ende të paqarta shtetasi L.B., rreth 60 vjeç, banues në Durrës, i cili ndodhet nën kujdesin e mjekëve. Grupi hetimor dhe shërbimet e Policisë janë duke punuar për zbardhjen e ngjarjes, identifikimin dhe kapjen e autorit.
