Një plagosje me armë zjarri ka ndodhur ditën e sotme në Shkodër, rreth orës 10:15. Ngjarja ka ndodhur në afërsi të Shkollës pyjore dhe një 54-vjeçari Nikolin Huba, banues është plagosur në këmbë. Mësohet se ai ka marrë dy plumba në këmbë dhe është dërguar në spotalin e Shkodrës dhe është jashtë rrezikut për jetën. Ende nuk dihet se kush ëshë autori i plagosjes, apo arsyet që kanë çuar në një konflikt të tillë.
Ndërkohë, në vendin e ngjarjes kanë mbërritur menjëherë shërbimet e Policisë kdhe aktualisht po vijon puna dhe po bëhet krehja e zonës për kapjen e autorit. Grupi hetimor është duke punuar nën drejtimin e Prokurorisë për të sqaruar dhe për të zbardhur rrethanat në të cilat plagosja me armë zjarri ka ndodhur.
Njoftimi i plotë i policisë:
Shkodër/Informacion paraprak
Më datë 04.09.2021, rreth 10:15, në afërsi të shkollës Pyjore, Shkodër, në rrethana ende të paqarta është plagosur me armë zjarri në këmbë, jashtë rrezikut për jetën shtetasi N. H., 54 vjeç, banues Vau Dejës.
Në vendngjarje kanë mbërritur menjëherë shërbimet e Policisë ku vijon krehja e zonës për kapjen e autorit.
Grupi hetimor nën drejtimin e Prokurorisë ndodhet në vendngjarje dhe vijon punë për sqarimin e rrethanave dhe zbardhjen e ngjarjes.
