Pëllumb Pipero rezulton pozitiv me COVID-19. Mjeku rezulton pozitiv me koronavirus, pasi e ka marrë dozën e parë të vaksinës.
Nuk dihet ndëse Pipero është infektuar nga Covid -19 i zakonshëm apo nga versioni i ri i ardhur nga Britania.
Në Shqipëri ka nisur vaksinimi kundër sëmundjes COVID-19, ku të parët që morën këtë shërbim ishin punonjësit shëndetësorë.
Në mesin e personave të parë u vaksinuan ishte kryeministri Edi Rama, drejtoresha e spitalit infektiv të Tiranës, Najada Çomo dhe mjeku infektolog, Pëllumb Pipero.
Vaksinimi vazhdon në stadiumin kombëtar “Air Albania” ka vijuar normalisht edhe me persona të tjerë të cilët kanë marrë vaksinën. Janë 5 mijë vetë që janë konsideruar prioriteti kryesor për vaksinimin anti-covid.
Ndërkaq, nëndrejtori i Institutit të Shëndetit Publik, Dritan Ulqinaku, në një intervistë televizive konfirmoi ekzistencën e versionit të ri mutant të koronavirusit.
Mjeku theksoi se në Shqipëri po qarkullon një lloj i ri i virusit, por ende nuk është identifikuar saktësisht.
“Eshtë virus ndryshe, eshtë koronavirus, por ndryshe nga koronavirusi që ka qarkulluar deri më tani në vendin tonë. Por, nuk jemi akoma në gjendje të themi që është nga Brazili, apo i Afrikës së Jugut apo Anglisë”, tha ai.
“I kemi kapacitetet, akoma nuk kemi arritur në fazën finale, por në këtë rrugë jemi”, u shpreh mjeku për identifikimin e plotë të këtij virusi. /Gazetarforma.com/
