Gjykata e Krimeve të Rënda ka dënuar me 32 vite burg, Marjana Çmetën, e cila akuzohet për vrasjen e vjehrrës, Lirie Lami.
Ngjarja u regjistrua më 30 prill të vitit 2018 në Kamëz.
Të gjithë skënën e krimit, e reja ia ka treguar hoxhës Hysen Shehu.
Çmeta i kishte thënë vjehrrës të pinte “lëngun magjik”, i cili sipas saj, shuante sherret në familje.
Mirëpo në të vërtetë rezultoi se pija ishte lëng portokalli, brenda të cilit nusja nga Kamza kishte hedhur fostoksinë.
E reja ka mohuar krimin para togave të zeza, duke thënë se nuk mbante mend asgjë.
Krimi u zbulua falë këmbënguljes së bashkëshortit të saj, Olti Lami, i cili zbuloi videon që e reja kishte regjistruar te hoxha.
Bëhet fjalë për një materiale filmi, ku Çmeta i thotë Hoxhës se kishte bërë plan të vriste vjehrrën, pasi ishte e bindur se i kishte bërë magji.
