Ditën e sotme është zhvilluar seanca plenare e radhës në Kuvendin e Kosovës, ku kryeministri Kurti është është ballafaquar me opozitën e cila e ka kritikuar për marrëveshjen e Ohrit. Ndërkohë që situata ka degraduar, ku një nga deputetët, që nuk identifikohet mirë ka përdorur fjalë fyese që i përkasin një fjalori të rrugës.
“Q*** tradhtarin e nanës”…. u dëgjua të thuhet pasi kryetari i PDK-së përfundoi fjalën e tij në foltore.
Kurti u shpreh se ”Memli Krasniqi dhe Lumir Abdixhiku po iu duken sikur të jenë aktivistë të dorëhequr të Lëvizjes Vetëvendosje“.
Kosova dhe Serbia kanë arritur marrëveshjen për normalizimin e marrëdhënieve mes tyre. Kështu u shpreh me 19 mars, Shefi i Politikës së Jashtme të Bashkimit Evropian, Josep Borrell.
“Udhëheqësit e Kosovës dhe të Serbisë u pajtuan për zbatimin e marrëveshjes drejt normalizimit të marrëdhënieve mes tyre, të mbështetur nga BE-ja”, deklaroi Borrell pasi ndërmjetësoi një takim maratonë midis kryeministrit të Kosovës, Albin Kurti, dhe Presidentit të Serbisë, Aleksandar Vuçiç, në Ohër të Maqedonisë së Veriut.
“Kjo është një arritje e rëndësishme. Ajo që palët pranuan, është që marrëveshja dhe zbatimi i saj përmes Aneksit të bëhen pjesë integrale e rrugëve të tyre përkatëse drejt Bashkimit Evropian. Edhe pse palët vendosën të mos e nënshkruajnë zyrtarisht marrëveshjen, ato u pajtuan që të fillojnë zbatimin e saj sa më shpejt që të jetë e mundur. Është e qartë se të dyja palët do të kenë përfitim të madh nga kjo marrëveshje, sepse dialogu nuk është vetëm për Kosovën dhe Serbinë, por ka të bëjë me stabilitetin, sigurinë dhe prosperitetin e të gjithë rajonit”, tha kryediplomati i BE-së.
