Në qendrën e votimit të ngritur në ambientet e burgut të Durrësit, ku ushtruan të drejtën e votës disa emra të njohur si Erion Veliaj, Lefter Koka, Alqi Bllako dhe Ilir Beqaj, është konstatuar një parregullsi gjatë procesit të numërimit.
Burime zyrtare bëjnë me dije se në këtë kuti janë gjetur dy fletë votimi më shumë sesa numri i votuesve të regjistruar.
Për pasojë, kutia është pezulluar dhe rezultati i saj nuk është përfshirë në numërimin përfundimtar.
Komisioni Qendror i Zgjedhjeve pritet të shqyrtojë rastin dhe të marrë një vendim përfundimtar mbi vlefshmërinë e votave të kësaj qendre.
