Lëvizja Socialiste për Integrim, në zgjedhjet e 25 prillit doli jashtë çdo pritshmërie, ku mori vetëm 4 mandate nga 19 mandate që ka pasur në zgjedhjet e kaluara. Mandatet e LSI-së ndahen 2 në Tiranë, 1 në Fier dhe 1 në Shkodër. Në Parlament do të ulen nga radhët e LSI-së vetëm 4 deputet. Ndërsa kryetarja e LSI-së duhet ët bëjë një zgjedhje “të vështirë”. LSI-ja fitoi vetëm dy mandate në Tiranë, që i takon Erisa Xhixhos dhe Monika Kryemadhit, ndërsa i treti në këtë Qark është Petrit Vasili i cili mban edhe postin e zv.kryetarit të LSI-së.Në Fier Kryemadhi është në krye të listës e ndjekur nga Kejdi Mehmetaj. Në Elbasan kryeson sërish Kryemadhi e ndjekur nga Altin Toska.
Në këtë mënyrë kryetarja e LSI-së, Monika Kryemadhi vihet përball një zgjedhje të vështirë sepse i duhet që të zgjedhi nëse në Parlament do të futet me Petrit Vasilin apo me Kejdi Mehmetin.
Nëse kryetarja e LSI del deputete nga kandidimi në Fier, ‘digjet’ Mehmetaj, por kjo do t’ja kalonte automatikisht mandatin Vasilit në Tiranë. Nëse Kryemadhi zgjedhë të dalë deputete nga kandidimi në Tiranë, Vasili mbetet jashtë. Mbetet për t’u parë kë do të zgjedhë kryetarja e LSI-së. Kujtojmë se pak më parë kryetarja e LSI-së doli në një deklaratë për mediat për herë të parë pas përfundimit të numërimit për zgjedhjet e 25 prillit, ku doli fituese me 74 mandate Partia Socialiste.
