Ditën e sotme u transmetua takimi mes Muratit dhe Sindit, një zgjedhje kjo që ndezi debate në studio puntatën e kaluar, mes kësaj të fundit dhe Melisës.
Në takimin e tyre të parë, bukuroshi nga Turqia i dhuroi Sindit një trëndafil të kuq, teksa fillimisht ishte kjo e fundit ajo që “bombardoi” Muratin me pyetje. Mirëpo, Murati nga ana tjetër i rrëmbeu asaj një përqafim, me arsyen se kishte emocione dhe pak ftohtë.
“Kisha pak emocione se ishte takimi i parë dhe kisha pak ftohtë. Më mirë është kur më pyesin sepse heq sikletin”, u shpreh ai në studio.
Ajo që ndezi debate në studio ishte pikërisht pyetja e Almendit, i cili e pyet Sindin nëse e ka njohur më herët Muratin. Por si qëndron e vërteta? Ajo tha se thjesht ka qenë në sallonin e tij por nuk kanë patur kontakte.
Pjesë nga debati:
Almendi: Keni pasur njohje më parë?
Sindi: Më ka bërë një krehje dhe kaq, kam dal nga salloni dhe nuk jemi parë më kurrë. Murati nuk e kam njohur më parë, thjesht kam shkuar një herë për një krehje flokësh, jo se e njoh si karakter. Nuk është një lojë, është thjesht një përshëndetje në sallon.
Murati: Mendoj se nuk ka lidhje fare, po mendoja që të vija këtu para se të njihja Sindin. E kam bërë aplikimin para se të takoja Sindin. Thjesht i kam thënë që mendoj që të marr pjesë.
Ndërkohë, i pyetur në studio nëse e sheh Sindin si një partnere Murati shprehet se: “Ishte takimi ynë i parë, deri tani si pamje më pëlqen.”
