Arrestohet ditën e sotme 21-vjeçari në Tiranë. Ditën e djeshme i riu përplasi me automjet një automjet tjetër si dhe dy këmbësore në Kamëz, ku njëra prej tyre ndërroi jetë në spital.
Ndërkohë këmbësorja tjetër dhe dy shoferë dhe një pasagjer të përfshirë në aksident ndodhen në spital jashtë rrezikut për jetën.
Njoftimi i Policisë:
Specialistët e Komisariatit të Policisë Rrugore Tiranë arrestuan shtetasin B. K., 21 vjeç, banues në Tiranë. Ditën e djeshme, në bulevardin “Nënë Tereza”, Kamëz, duke drejtuar mjetin tip “Benz”, ka aksidentuar këmbësoret, shtetaset F. M., dhe Xh. M., dhe më pas, si pasojë e përplasjes ka goditur mjetin me drejtues shtetasin E. K., 23 vjeç. Shtetasja F. M., ka ndërruar jetë në spital, ndërsa shtetasja Xh. M., dy drejtuesit e mjeteve dhe pasagjeri i njërit prej tyre, ndodhen jashtë rrezikut për jetën.
Materialet i kaluan Prokurorisë.
