Një fëmijë 8 vjeç është përplasur ditën e sotme nga një makinë.
Ngjarja është regjistruar në rrugën “Siri Kodra” në Tiranë.
Pas aksidentit, drejtuesi i mjetit është larguar nga vendgjarja.
Mësohet se fëmija u dërgua menjëherë në spital dhe është jashtë rrezikut për jetën.
Policia ndërkohë ka nisur punën për zbardhjen e rrethanave dhe identifikimin e autorit.
“Më datë 22.06.2020, rreth orës 14:03, në rrugën “Siri Kodra”, një mjet ende i paidentifikuar ka përplasur dhe është larguar nga vendngjarja fëmijën e mitur me iniciale D. Z, 8 vjeç, i cili ndodhet në spital, jashtë rrezikut për jetën.
Punohet për identifikimin dhe kapjen e drejtuesit të mjetit”, njofton policia.
