M.L., 32 vjeç, është arrestuar ditën e sotme pasi ka përplasur makinën e një shtetasi me të cilin ka qenë në konflikt.
Duke drejtuar mjetin e tij në gjendje të dehur, 32-vjeçari ka përplasur me dashje mjetin e parkuar të shtetasit D.K.
Për pasojë shtetasi M.L. ka pësuar disa dëmtime dhe po ashtu është shoqëruar edhe në polici.
Materialet iu referuan Prokurorisë pranë Gjykatës së Shkallës së Parë Shkodër, për veprat penale ”Shkelja e rregullave të qarkullimit rrugor”, “Drejtimi i mjeteve në gjendje të dehur” dhe “Shkatërrim prone”.
Deri më tani nuk është bërë me dije ende se cili ka qenë motivi i konfliktit mes dy shtetasve, por policia po vijon me hetimet.
