Mbrëmjen e sotme dy tragete janë përplasur në Portin e Durrësit, ku siç mësohet njëri prej tyre ka qenë i ankoruar në Port, ndërsa tjetri ishte duke dalë.
Ngjarja ka ndodhur pak minuta më parë dhe sipas informacioneve paraprake, trageti i linjës së Ankonës ka qenë duke dalë.
Shkak është bërë era e fortë dhe deri tani nuk raportohet për persona të lënduar por vetëm për dëme të shumta materiale.
Ditën e djeshme Drejtoria e Përgjithshme Detare njoftoi se më datë 26, 27 dhe 28 shkurt do të ketë mot të përkeqësuar, teksa bënte thirrje që të gjitha subjektet që ushtrojnë veprimtarin në Port, të marrin masat për sigurimin e mjeteve lundurese.
Po ashtu, mbrëmjen e sotme një tërmet me magnitudë 3 ballë i shkallës Rihter është regjistruar në detin Adriatik.
Lëkundjet me thellësi 5 km janë ndjerë rreth orës 20:52, 14 km nga Shijaku dhe 31 km nga Tirana.
